biblioteko

Vi estas ĉi tie: Hejme > Bibliotekoj > Berlina Komentita Bibliografio

Berlina Komentita Bibliografio

BKB celas registri ĉiujn vortarojn kaj terminarojn iam aperitajn en Esperanto kaj prikomenti ilin. Trarigardo, kompletigo kaj korekto de la malneto estas bonvenaj. La malneton de BKB petu de bernhard.pabst @ gmx.de.

Estas elŝutebla la Berlina Komentita Bibliografio de Vortaroj kaj Terminaroj en Esperanto 1887-2014 (BKB - 2015-05):

// http://esperanto-akademio.wikispaces.com/BKB

BKB laŭeble registras ĉiujn menciindajn leksikografiajn verkojn esperantajn de la komenco ĝis fine de 2014. Krom per la bazaj bibliografiaj indikoj, BKB klarigas multajn verkojn per specimenoj, notas recenzojn kaj indikas referencojn al plia legado pri esperantaj vortaristoj. Aparta fokuso estas sur la multaj disaj vortaroj, verkitaj en diversaj elektronikaj formoj dum la lastaj ĉirkaŭ dek kvin jaroj de post 2000.

BKB celas esperantologojn, bibliotekojn, kolektantojn, sed aparte leksikografojn kaj terminologojn, serĉantajn fidindan respondon al la demando „kio jam ekzistas?“. Instruistoj kaj lernantoj kun ĝenerala intereso pri la vortara aspekto de la esperanta kulturo trafoliumos BKB, eble mirante „tiom da jam ekzistas!“.

Viaj kompletigoj kaj ĝustigoj estas bonvenaj.

Sincere salutas

Bernardo


Akademia Dokumentaro 1905-1948

La 2a kompl. eld. de BK IV - AD (Lingva Komitato 1905-1948) estas preskaŭ preta (mankas ankoraŭ la kolora frontispico) kaj baldaŭ estos afiŝita en 

// esperanto-akademio.wikispaces.com/Berlina+Komentario+pri+la+Fundamento+de+Esperanto.
 
Jen jam nun informcele por vi kun antaŭdanko por atentigoj pri ĉiuj misoj kaj mankoj.
 
Kiel vi vidos, mankas ankoraŭ diversaj dokumentoj. Mi serĉas homojn, kiuj povas helpi havigi ilin al mi aŭ indiki, kie arkivaĵoj eble nuntempe troviĝas.
 
Por ĉiuspeca subteno mi jam nun dankas al vi.
 
Kun sincera saluto
 
Bernhard Pabst
Berlino
 
P.S.: Tri pliaj aktualigoj fariĝis pretaj en Aprilo 2017, nome la Vortaro Oficiala kaj la Wackrill-konkordanco, vd. en la rubriko NOVA je
 
// esperanto-akademio.wikispaces.com/eniro
 
Simila anonceto mendeblas per retletero al info@maklerejo.de
Pasinta prilaboro: 2017, August 21, 09:23
« antaŭa  |   supren  |   sekva »

Powered by CMSimple | Template by CMSimple | Login